Эрте балалыкта экрансыз чөйрө: дени сак жана бактылуу келечек үчүн (I бөлүм)

Абдыкадыров Азис Мекенович

Балдар неврологу

Балдар неврологу гаджеттердин пайдалуу жана зыяндуу жактарын талдап, алардын балага тийгизген таасирин түшүндүрдү. Ал ата-энелерге гаджеттерди туура пайдалануу, убакытты чектөө жана сапаттуу контент тандоо боюнча маанилүү кеңештерди берди.

Балдар неврологу Абдыкадыров Азис Мекенович өзүнүн бай тажрыйбасына таянып, ата-энелерге гаджеттердин пайдалуу жана зыяндуу жактары тууралуу баалуу кеңештерин бөлүштү.

Алгач дарыгер «Гаджет деген эмне?» деген суроого токтолуп, алардын түрлөрү, пайдалуу жактары жана терс таасирлери жөнүндө кеңири түшүндүрдү.

Гаджеттердин пайдалуу жактары:

• Онлайн окуу
• Маалымат издөө
• Мугалимдер жана достор менен байланышуу

Гаджеттердин зыяндары:

Дарыгер 0-3 жаштагы балдарга гаджеттерди толугу менен чектөө зарылдыгын белгиледи, анткени бул куракта баланын нерв системасы жана нейрондору өтө ылдам өнүгөт. Ошондуктан, 3 жашка чейинкилерге гаджеттерди берүү таптакыр сунушталбайт, ал эми улуураак балдарга чектөөлөрдү киргизүү зарыл.

Байкоолорго таянып, гаджеттердин баланын жаш курагына жараша тийгизген терс таасирлери төмөнкүдөй көрсөтүлдү:

• 0-2 жаш: тил кечигүүсү, эмоционалдык бузулуулар, уйкунун начарлашы.
• 2-6 жаш: көңүл буруунун начарлашы, агрессия, окууга даярдыктын төмөндүгү.
• 6 жаштан кийин: окуудан артта калуу, депрессия, баш оору, кекечтенүү.

Чечүү жолдору:

Дарыгер гаджеттердин терс таасирин азайтуу үчүн убакытты чектөө, сапаттуу контент тандоо, биргелешип көрүү жана талдоо сыяктуу методдорду сунуштады.

Азис Мекенович ата-энелерди гаджеттерди туура пайдалануу маселесине олуттуу көңүл бурууга чакырды.

Заманбап ата-энелер үчүн бул кеңештер абдан маанилүү, анткени бала акыл-эс жана ден соолук жактан бир эле жолу калыптанат. Ошондуктан, ата-энелер гаджеттердин колдонуу убактысын көзөмөлдөп, баланын жашына жараша туура пайдаланууга багыт берсе, келечекте алардын ден соолуктуу жана ийгиликтүү өсүшүнө шарт түзө алышат.

Medcheck – ден соолук дегенде жылмайтат!